Goe Gehusseld

Hofkepèèl in 't Kieveloeëteriek

Goe Gehusseld

We gon di jaor vur de 7e kieër unne prins begeléjde. Di jaor wért spesjaal umdè ónze tenorsax Joyce "Prinsesje" is geworre.

Sins twiejeduzjenddréj gé hofkepèèl Goe Gehusseld mi vastelaovesverénniging C.V. de Kieveloeët óp pad. Ieder jaor zin we d’r mi de kepèèl de ganse vastelaovend béj um de Prins mi zin gevolg te begléjde mi vastelaovesmeziek. De hofkepèèl is dan ok allieën ópgereecht vur dizze vastelaovend en alles wa dor umhin hééngt.

Bezitting

De naam ‘Goe Gehusseld’ sté vur de dur mekaar gehusselde bezétting van de kepèèl. Onze leeje zin namelik béjjén gerapt vanutj versjillende meziekverénniginge utj Méél. Ut is unne goeje miks van leeje van Harmonie Eendracht, Die Heimatkapelle, Sjutterij St. Nicolaas, Sjutterij St. Willibrordus, Leut mi neut en weilen Nico-Joeks. Same probere wéj ieder jaor un sjon en vur iederieën bespeulbaar repertoire ten gehuure te brenge. Utjeraard gon dor de nuddige repetiesies én veuraf.

Begeleiding

Onze gekleurde groep wért muziekaal béjjén gehaawe dur hofkepèèlmésters Ralph Brummans en Johan Teeuwen. Wéj beston in 2009 utj 21 muziekante.

Klieër

Iederieën béj de kepèèl is in 't bezit van unne bónte Goe Gehusseld-jas. Dormi moet iederieën zich ok övveral utjdorse en is verder vréj um zich óp te tooie hoe héj of zéj wil. We hebbe spesjaal vur de kepèèl un kópdeksel laote maake. Dè ding is wal wèrrum en in un èntal kefees moete we bukke um binne te komme.